PËRFAQËSUESJA
Biletat Ukrainë-Kosovë, shumë herë më të lira
29 September, 2016 @20:27
Mediat ukrainase kanë bërë të ditur çmimin e biletave për ndeshjen Ukrainë-Kosovë, që do të luhet më 9 tetor në Krakov të Polonisë.
Sipas faqes ukrainase, Sportanalytic, bileta më e lirë do të kushtojë 3.45 euro, për të ndryshuar çmimi sipas kategorisë së tribunave në 6.91 euro, 8.64 euro, 9.5 euro, si dhe biletat VIP me çmim 20.73 euro.
Këta çmime në krahasim me çmimet e biletave të ndeshjes Kosovë-Kroaci, që do të luhet në Shkodër më 6 tetor, janë shumë herë më të lira.
E pavarësisht çmimit më të shtrenjtë të biletave Kosovë-Kroaci, interesimi për t’i blerë ato ka qenë i jashtëzakonshëm.
