BRAZILI 3-0 PARAGUAJI
Brazili fantastik, me Neymarin kapiten siguroi Botërorin
29 March, 2017 @8:54
Pesë herë kampioni i Botës në futboll, Brazili, ka siguruar edhe kualifikimin e radhës në Kampionatin Botëror “Rusia 2018”.
Kjo, pasi që me fitoren e shënuar sot në mëngjes të hershëm me kohën tonë ndaj Paraguajit, brazilianët tashmë kanë krijuar distancë prej 9 pikëve ndaj përcjellësit të parë, Kolumbisë.
Philippe Coutinho, Neymar dhe Marcelo kanë shënuar për Brazilin në fitoren 3-0 ndaj Paraguajit të pafuqishëm në “Corinthians Arena” të Sao Paulos.
Brasil vs Paraguay 3-0 ~ All Goals & Highlights by Sports_HD
Neymar ktheu shiritin e kapitenit të Selecaos për herë të parë prej gushtit të vitit 2016 dhe tregoi lidershipin e tij në ekip me plot përgjegjësi. Këtë më së keqi e përjetuan rivalët paraguajas, që nuk kishin zgjidhje për futbollistin e Barcelonës.
