NGA RAJONI MË I GODITUR
Brescia s’ka arsye të vazhdojë stinorin!
8 April, 2020 @22:53
Skuadra e Brescias në Serie A ka lëshuar një komunikatë sot duke bërë të ditur se refuzojnë të vazhdojnë stinorin aktual 2019/20 të elitës italiane të futbollit.
Brescia është në pozitën e njëzetë, të fundit në tabelë të Serie A-së me vetëm 16 pikë, 9 më pak se skuadra e Genoas që është në zonën e shpëtimit.
Në komunikatë është thënë gjithashtu se klubi mund të mos jetë në gjendje që të kthejë paratë e biletave sezonale të tifozëve të saj.
”... nëse luajmë do të thoshte mosrespekt ndaj realitetit të hidhur që po ndodh në qytet…” është thënë ndër të tjera në komunikatën e klubit.
Brescia gjendet në regjionin më të goditur të Italisë nga pandemia coronavirus.
Disa skuadra nga Serie A janë kundër idesë për vazhdimin e stinorit, në mesin e të cilëve edhe Brescia, me kryetarin Massimo Cellino.
Brescia do të tentojë që tifozëve lojal të ekipit t’i ofrojë lirime në biletat sezonale për stinorin e ardhshëm.
Ndërsa lojtarët e ekipit pa asnjë refuzim kanë pranuar shkrutimin e pagave, për të siguruar integritetin e klubit gjatë momenteve delikate që po kalon rajoni në fjalë, por edhe e tërë Italia si vendi më i goditur nga pandemia në Evropë.