LEGJIONARI
Bunjaku me 2 gola mposht Baselin
14 August, 2014 @22:12
Golashënuesi historik i Kosovës, Albert Bunjaku, ka treguar edhe njëherë mprehtësinë e tij para portave kundërshtare.
Bile, ai është treguar madhor sonte kur ekipi i tij modest, St Gallen, ka mposhtur kampionin aktual të Zvicrës, Basel, si mysafir me dy golat e tij.
Bunjaku ka shënuar dy herë - shpejtë - në 5 minutëshin e fundit të pjesës së parë për të përcaktuar fituesin e ndeshjes së sontme që i përkiste xhiros së pestë të elitës së futbollit zviceran.
Më vonë, Baseli, përkundër se futi Shkelzen Gashin në lojë, nuk arriti të bëj më shumë duke u mposhtur nga golat e Bunjakut.
Te Baseli për 90 minuta në fushë ishte edhe Taulant Xhaka, derisa Gashi u fut në pjesë të dytë në lojë. E te St Galleni, Muhamed Demiri luajti 90 minuta, derisa Emir Lenjani mbeti rezervë gjatë gjithë ndeshjes.
Me golat e shënuara sonte, Bunjaku ka ngritur kuotën në tre gola të shënuara nga 5 xhirot e para në Superligë të Zvicrës.
Kjo ka qenë fitorja e dytë e St Gallenit në këtë stinor në kampionatin zviceran, derisa Baselit Bunjaku ia shkaktoi humbjen e parë në këtë stinor.
