Kush do të zgjidhet më i miri i stinorit nga UEFA?!

Më 28 gusht, fiks dy javë nga sot, UEFA do të shpallë lojtarin më të mirë në Europë për stinorin që shkoi. 

Bayern 2, Real 1 

Portieri i Bayern Munchenit dhe Gjermanisë, Manuel Neuer, krahu i Bayern Munchenit dhe Holandës, Arjen Robben si dhe Topi i Artë i vitit të kaluar që djersit fanellën e Real Madridit dhe Portugalisë, Cristiano Ronaldo - janë kandidatët e përzgjedhur në listën e ngushtë që do të mund të fitojnë çmimin e më të mirit të stinorit të kaluar. 

Çka fituan?

Cristiano Ronaldo ka fituar Kupën e Mbretit të Spanjës dhe Ligën e Kampionëve stinorin që shkoi, derisa dyshja e Bayernit ka fituar titullin në Gjermani, në kohë rekorde, si dhe të dy kanë pasur paraqitje të mrekullueshme në Botërorin e Brazilit, ku Neuer fitoi Kupën e Botës në fund, derisa Robben siguroi medaljen e bronztë me vendin e tij. 

Data e 28 gushtit do të përcaktojë drejtpërdrejtë fituesin nga treshja e përmendur ku votojnë nga një gazetar i çdo vendi anëtar të UEFA-së. 

Ja kush ishte në garë

Po këtë ditë, do të tërhiqet edhe shorti për fazën grupore të Ligës së Kampionëve - që pritet të jetë një festë e vërtetë para nisjes së garës më të vlefshme në Europë. 

Sipas votimit të parë, ku në listë ishin 10 futbollistë, janë eliminuar në mungesë votash të mjaftueshme: Thomas Muller (Bayern Munchen dhe Gjermani), Philipp Lahm (Bayern Munchen dhe Gjermani), Lionel Messi (Barcelona dhe Argjentinë), James Rodriguez (Monaco/Real Madrid dhe Kolumbi), Luis Suarez (Liverpool/Barcelona dhe Uruguaj), Angel Di Maria (Real Madrid dhe Argjentinë) dhe Diego Costa (Atletico Madrid/Chelsea dhe Spanjë). 

Fituesit e deritashëm të çmimit:

Kush sa pikë morri dhe u eliminua nga TOP 3: