Suarez mund të stërvitet

Pas ankesës në Gjyqin Arbitrar Sportiv, CAS, sulmuesi uruguajan Luis Suarez, do të mund të stërvitet me ekipin e tij të ri Barcelonën. 

Mirëpo, nga 4 muajshi i tij i suspendimit për shkak të kafshimit të Giorgio Chiellinit në Botëror, nuk i është ulur asnjë ditë, njoftojnë mediat e huaja pak më parë. 

Kështu Suarez do të vazhdojë të vuajë dënimin për shkak të sjelljes së tij agresive, kurse fitoi të drejtën të stërvitet me ekipin e Barcelonës, pasi që deri më tani e kishte të ndaluar edhe një gjë të tillë. 

Luis Suarez këtë verë erdhi te Barcelona nga Liverpooli. Ai është shpallë lojtari i vitit në Angli, derisa ka qenë edhe golashënuesi më i mirë i Premier League, përkundër se kishte pauzuar në muajin e parë, pasi që vuante një suspendim nga stinori para asaj.