Konfirmohet Omani

Drejtuesit e Federatës së Futbollit të Kosovës kanë konfirmuar ndeshjen miqësore të radhës për Kosovën. 

Kundërshtari i radhës është Omani, që do të vjen në Kosovë për ndeshjen e 7 shtatorit. 

“Komiteti Ekzekutiv i FFK-së sot ka marrrë konfirmim zyrtar nga Federata e Futbollit të Omanit për zhvillimin e ndeshjes miqësore me përfaqësuesen e Omanit,” thuhet ndër të tjera në komunikatën e lëshuar nga FFK mbrëmë. 

Kjo do të jetë miqësorja e katërt për Kosovën, prej se ka marrë të drejtën nga FIFA për zhvillimin e miqësoreve. 

Omani, i shtati në Azi

Kosova ende nuk ka shijuar fitoren në këto miqësore, pasi që ka barazuar me Haitin dhe është mposhtur nga Turqia e Senegali. 

Pas Omanit, Kosova tashmë ka të aranzhuara dy miqësore tjera që nga muaji maj. Panamaja dhe Kanadaja janë kundërshtarët e muajit tetor të reprezentacionit që drejtohet nga Albert Bunjaki.

Omani është në pozitën e 69-të në renditjen e përgjithshme të FIFA-së, sipas kalendarit të muajit të kaluar, derisa llogaritet të jetë përfaqësuesja e 7 më e fortë e gjithë Azisë sipas renditjes së FIFA-së për kontinentin aziatik.