SINAN BYTYQI
Bytyqit i vonohet debutimi
11 September, 2016 @17:59
Futbollisti i përfaqësueses së Kosovës, Sinan Bytyqi, nuk ka arritur të debutojë sot për skuadrën e tij të re, Go Ahead Eagles, që po garon në kampionatin holandez.
Ai sot ishte për herë të parë në përbërjen e ekipit në ndeshjen kundër skuadrës Roda, mirëpo atij nuk iu dha rasti nga trajneri Hans de Koning, i cili vendosi ta lë 21 vjeçarin në bankën rezerve.
Bytyqi është huazuar te kjo skuadër javë më parë nga Manchester City.
Ndryshe nga ai, dje pati debutim të suksesshëm Bersant Celina, i cili shënoi gol që në paraqitjen e parë me skuadrën e tij gjithashtu nga Holanda, Twente.
