Cana flet para CAS-it, duam 3 pikë

Futbollisti me rekord paraqitje për kombëtaren shqiptare dhe kapiteni, Lorik Cana, në intervistën e bërë për Top Channel para nisjes për në Laussane, ka thënë se Shqipëria do të kërkojë tre pikët nga ndeshja Serbi-Shqipëri. 

“Ne kemi të drejtë të kërkojmë tre pikëshin që na takon, në aspektin sportiv ne kemi një pikë të fituar në fushë të lojës,” ka thënë ai për kanalin televiziv në fjalë. 

“Zhgënjimi më i madh është që vetë UEFA nuk ka mbajtur vlerat që po promovon çdo ditë,” ka shtuar ndër të tjera Cana, që ka udhëtuar sot nga Roma drejt Laussanes për t’iu bashkuar delegacionit shqiptar që të dëshmojë në CAS, lidhur me ngjarjet në Beograd.