KARADZIC
‘UEFA do t’ia jep pikët Serbisë’
16 April, 2015 @13:14
Në një intervistë të shkurtë për portalin serb, Alo, kreu i Federatës së Futbollit të Serbisë, FSS, Tomislav Karadzic, ka thënë se UEFA-ja do t’ia kthejë pikët Serbisë, pas vendimit të CAS-it.
“Ne nuk jemi fajtor për atë që ndodhi në Beograd! Një ndeshje nuk mund të jetë e regjistruar me rezultat zyrtar dhe asnjë ekipi mos t’i takojnë pikët. Kjo do të kishte pasoja të rënda për të gjitha ndeshjet e ardhshme në kualifikimet tjera. Ky do të jetë argumenti ynë kryesor në dëgjimin e CAS-it. Deri më 20 prill CAS do të analizojë vendimin e UEFA-së dhe besoj se do t’i na kthejë pikët e fitores 3-0,” është cituar të ketë thënë Karadzic për këtë portal.
Më tutje ai ka pranuar se Michel Platini është mik i tij i mirë, mirëpo francezi nuk do të mund të ndikojë në vendimin e CAS-it, që është plotësisht i pavarur.
CAS do të dëgjojë palët në këto dy ditë derisa vendimin përfundimtar lidhur me ndeshjen Serbi-Shqipëri pritet ta jep brenda një jave.
