Casemiro dhe Vazquez, të rëndësishëm

Zinedine Zidane ka qenë i kënaqur me fitoren e ekipit, ndërsa ka veçuar faktin se nuk kanë pranuar gol ndaj Romës. 

Ai gjithashtu, pas kualifikimit në çerekfinale ka vlerësuar dy futbollistët e ri të ekipit. 

“Ka qenë ndeshje e vështirë, mirëpo ne në fund kemi arritur synimin tonë dhe nuk kemi pësuar gol,” ka thënë Zidane pas ndeshjes së sontme. 

“Casemiro ka luajtur mirë, sikur çdo lojtar tjetër sonte. Ndërsa Lucas Vazquez ka qenë i rëndësishëm gjatë ndeshjes. Ai gjithmonë jep maksimumin kurdo që luan dhe është tepër luftarak,” ka shtuar Zidane. 

Real Madrid është kualifikuar në çerekfinale të Ligës së Kampionëve, ndërsa rekord kampioni i kësaj gare kërkon që të kthejë trofeun në Madrid.