BERNABEU
Madrilenët në çerekfinale
8 March, 2016 @22:34
Me fitoren e madrilenëve u mbyll edhe ndeshja e dytë mes Real Madridit e Romës. Skuadra e francezit Zidane arriti çerekfinalen e Champions League me golat e Ronaldos e James Rodriguezit, gola të cilat erdhen pas shumë rasteve të shpërdoruara nga skuadra kundërshtare e Romës. Italianët patën disa raste për shënim kur rezultati ishte 0-0, por ato nuk u shfrytëzuan dhe madrilenët e mbyllën dilemën e skuadrës së kualifikuar me dy gola të shpejt në minutat 64’ e 68’.
Goli i shënuar sonte ishte goli i 40 sezonal i Cristiano Ronaldos në të gjitha garat, shifër kjo që arrihet për të gjashtin sezon radhazi nga portugezi, ndërsa sa i përket Champions Leagues, ky ishte goli i 90 personal i karrierës së Cristianos në këtë kompeticion.
Me luftën për titull në Spanjë që pothuajse ka mbaruar, titulli i vetëm në lojë për Real Madridin është pikërisht Champions League.
Cristiano Ronaldo Goal 1-0 - Real Madrid vs AS… by gentaa
