Celticu i eliminuar, merr pjesë në short!

Ajo që asnjë skuadër nuk do të kishte dëshirë t’i ndodh në kualifikime për Ligën e Kampionëve -  i ka ndodhur sot ekipit polak, Legia Warszawa. 

Humbja në fushë

Polakët kanë mposhtur kundërshtarin e tyre në kualifikime për Ligë të Kampionëve, Celtic, në të dyja ndeshjet - brenda dhe jashtë - me rezultat të përgjithshëm 6-1. Ndeshja e parë në Poloni përfundoi 4-1 në të mirë të Legias, ndërkaq ajo e pardjeshme 0-2 në të mirë të ekipit polak. 

E sot, ata nuk ishin në shortin e UEFA-së për Play-Off të Ligës së Kampionëve! Ndërsa Celticu i eliminuar - po! 

Ja arsyeja. 

I tërë mundi i lojtarëve të ekipit polak shkoi në pakthim, pas një gabimi administrativ.

Gabimi fatal i administratës

Bartosz Bereszynski, lojtari i Legias ka qenë i suspenduar për tre ndeshje moslojë nga UEFA-ja për këtë stinor, pasi që në ndeshjen e fundit të stinorit të kaluar ai kishte marrë karton të kuq. 

Natyrisht, trajneri nuk e inkuadroi Bereszynskin në ciklin e parë kualifikues në dy ndeshje ndaj St Patrickut si dhe në ndeshjen e parë ndaj Celticut në Poloni - që do të thotë se lojtari ka vuajtur dënimin për tre ndeshje moslojë, duke e futur në ndeshjen e kthimit të zhvilluar pardje. 

Mirëpo, UEFA-ja ka evidentuar se lojtari në fjalë nuk ka qenë i evidentuar si vuajtës i dënimit dhe nuk ka qenë i regjistruar si lojtar i ekipit për asnjërën nga këto ndeshje - që teknikisht do të thotë se ai nuk ka vuajtur dënimin!

Celticu ndaj Ibraimit

E kjo - eliminoi Legian automatikisht nga Liga e Kampionëve, ndërsa i dha jetë skocezëve - të cilët tani do ta kërkojnë fatin për tu futur në Ligë të Kampionëve ndaj ekipit slloven Maribor, për të cilët luan shqiptari, Agim Ibraimi. 

FAKT: