Cikalleshi kthehet me gol pas dy muajve

Sokol Cikalleshi ishte harruar për më shumë se dy muaj nga skuadra e tij, Basaksehir, e cila aktualisht po kryeson në Superligën turke.

Sulmuesi kuqezi që nga 24 shtatori kur kishte luajtur vetëm katër minuta në ndeshjen ndaj Osmanlisporit, nuk ka pasur asnjë paraqitje me Basaksehirin, ndërsa sot trajnerit Abdullah Avci “i’u kujtua” që e ka në skuadër Cikalleshin, duke ia dhënë hapësirë atij në 11-shen startuese në ndeshjen e Kupës ndaj Yeni Amasyasporit.

E besimin e trajnerit, Cikalleshi e shfrytëzoi në mënyrën më të mirë, duke shënuar golin e vetëm në ndeshje në minutën 73’ për fitoren e Basaksehirit.

Ky është goli i parë i Cikalleshit në këtë edicion me Basaksehirin.