SOKOL CIKALLESHI I JEP FITOREN ISTANBULIT
BOROZANI/ Lis Dorambari
Cikalleshi, ngrit ekipin
24 November, 2015 @8:15
Kavajasi Sokol Cikalleshi ka shënuar golin e vetëm të ndeshjes mbrëmë, ku ekipi i tij Istanbul Basaksehir ka shënuar fitore ndaj Gaziantepsporit si mysafir.
Sulmuesi i kombëtares shqiptare pranoi një top nga Marcio Mossoro dhe shënoi qetë me të majtën e tij duke e plasuar topin në rrjetën kundërshtare për fitore.
Ky ka qenë goli i dytë i Cikalleshit këtë stinor në Superligën turke prej se kaloi aty nga Spliti kroat dhe me këtë fitore ekipi i tij është barazuar me pikë me Galatasarayin, 22.
Istanbul Basaksehir aktualisht është në pozitën e katërt të Superligës turke, pas treshes së famshme, Besiktas, Fenerbahçe dhe Galatasaray.
Video
