Pirlo shton cilësinë e Interit

Lideri i Serie A-së, Inter, mund të përforcojë mesfushën e skuadrës me Andrea Pirlon përgjatë muajve në vazhdim. 

Mediat italiane kanë përfolur një kalim të mundshëm të Pirlos te Interi, pasi që MLS tash shkon në pushim dhe për të mbajtur formën, mesfushori veteran i Italisë, mund të huazohet në Serie A. 

“Roberto Mancini ka kombinuar një ekip kompakt dhe fizik, e cilësia e Pirlos është gjëja e vetme që mund t’i mungojë Interit. Kështu, besoj që do të ishte një përforcim i qëlluar,” ka thënë ish trajneri i Milanit, PSG-së, Chelseat e Real Madridit, Carlo Anecolotti, për idenë e kalimit të Pirlos te neroazzurët nga janari deri në mars, transmeton Radio Anch’io lo Sport sot. 

Pirlo shumë vite më parë ka qenë pjesë e Interit, para se të bëhet i famshëm te Milani, ndërsa së fundi luajti për Juventusin para se të kalojë këtë stinor në MLS të SHBA-ve për ekipin e New York Cityt.