NUK E PRANON DETYRËN
REUTERS/Arkiv
Zidane: S’jam gati për Realin
23 November, 2015 @10:42
Legjenda e futbollit, Zinedine Zidane, u ka bërë të ditur mediave se nuk është i gatshëm për të marrë detyrën e trajnerit të Real Madridit, siç po përfolet.
“Jam trajner i Castillës, (Real Madrid B v.j.). Rafa Benitez është trajner i Real Madridit dhe gjërat janë në rregull gjithkund. Nuk jam i gatshëm për momentin për të marrë një ekip kaq të madh. Duhet të mësojë ende,” ka thënë Zidane dje.
Benitez po kritikohet shumë për shkak të taktikave të tij me Real Madridin, ndërsa humbja nga Barcelona e ka bërë situatën më të keqe në klub.
Sidoqoftë, Marca sot doli me titull se ai do të vazhdojë të mbetet trajner i Real Madridit.
