BETEJA PËR SHPËTIM
Cili ekip po shpëton?
9 April, 2018 @22:30
Përkundër se janë vetëm një fitore larg njëra-tjetrës në klasifikim, Borea që është e gjashta në renditje me bilanc 7-19, është shumë më afër shpëtimit të stinorit në Superligë, sesa Peja, 6-20, që është e parafundit në klasifikim.
Kjo, pasi që kur kanë mbetur edhe dy xhiro deri në fund të stinorit të rregullt në Superligë, Pejës i duhen dy fitore, e Borea duhet të mposhtet në të dyja ndeshjet.
Në rast të përfundimit të stinorit të rregullt me bilanc të barabartë, nga ndeshjet e ndërsjella ku Borea ka dy, e Peja dy fitore, të parët kanë bilanc më të mirë sa i përket koshdallimit në këto përballje, që i shpëton ata automatikisht.
Pra, me gjendjen aktuale, duket se Borea do të shpëtojë stinorin në Superligë, duke përfunduar e gjashta, e Peja do të duhet të kërkojë shpëtim përmes Play-Outi.
Matematikisht, Boreas i duhet vetëm edhe një fitore për të shpëtuar sigurt, derisa Pejës i mbetet të luftojë përmes PlayOuti, ku do të luajë ndeshje ndaj finalistit të PlayOffit të Ligës së Parë.
Teorikisht, Pejës do t’i duhen dy fitore për të dalë e gjashta, me kusht që Borea i humb dy ndeshjet e radhës - për të shpëtuar këta të parët, e të dytët të luajnë PlayOut.
Peja në xhiron e radhës pret Yllin në Karagaç dhe në xhiron e fundit është mysafir i Kerasan Prishtinës.
Borea në anën tjetër, pret Sigal Prishtinën në xhiron e radhës, ndërsa në atë të fundit është mysafire e Yllit.
DUELET MES BOREAS E PEJËS:
Borea - Peja, 68-75; | Xhiroja III | ||
Peja - Borea, 102-91; | Xhiroja X | ||
Borea - Peja, 93-69; | Xhiroja XVII | ||
Peja - Borea, 78-85; | Xhiroja XXIV |