DRITA - LIPJANI
Lipjani përfundon stinorin e rregullt lider
8 April, 2018 @23:50
Skuadra e Lipjanit, duke e mposhtur Dritën me rezultat 51-76, e përfundoi stinorin e rregullt në pozitën e parë në kuadër të Ligës së Parë të basketbollit.
Drita në këtë ndeshje, vetëm në çerekun e parë e mbylli në epërsi, më pas Lipjani e kontrolloi ndeshjen deri në fund dhe e regjistroi fitoren e 12-të të stinorit.
Ardit Pepaj luajti me 18 pikë, 5 asistime e 5 kërcime në këtë ndeshje, derisa u ndihmua edhe nga Granit Ejupi me 17 pikë e 15 kërcime dhe nga Fisnik Juniku me 10 pikë e 10 asistime.
Te Drita u dalluan Adem Dushica me 25 pikë e 5 kërcime dhe Besfort Fazliu me 9 pikë.
Lipjani me këtë fitore e mbylli stinorin e rregullt në krye të tabelës, ndërsa Drita krahas humbjes, arriti Play Offin, falë humbjes së Vushtrrisë që pësoi sot nga Kalaja.
Lipjani dhe Drita do të përballen edhe në Play Off.