City pret Monacon në formë

Dueli më interesant i natës në Ligë të Kampionëve pritet të jetë ky ndërmjet Manchester Cityt të Pep Guardiolës dhe Monacos së Leoardo Jardimit.

Monaco është në formë shumë të mirë në Ligue 1, duke qenë lider i kampionatit. Ndërsa në anën tjetër, City tash po mundohet të kthehet në lojë.

“Përveç meje, Falcaos dhe Kamil Glikut, të gjithë lojtarët tjerë janë fëmijë. Por, fëmijë të talentuar,” ka thënë para ndeshjes portieri 32 vjeç i Monacos, Danijel Subasic.

PIKAT KRYESORE:

-Manchester City ka arritur për herë të parë çerekfinalen e Ligës së Kampionëve në vitin 2016.

-Monaco ka eliminuar gjithmonë skuadrat angleze në fazën eliminatore me dy ndeshje (vajtje-ardhje).

-Dueli i radhës zhvillohet në Monaco më 15 mars.

-Te City, i lënduar është Gabriel Jesus, ndërsa te Monaco, Gabriel BOschilia.

-Në dyshim janë: Aleksandar Kolarov, Vincent Kompany dhe Gael Clichy te City, kurse te Monaco: Tiemoue Bakayoko dhe Guido Carillo.

City llogaritet favorit i madh për fitore në këtë ndeshje nga bastoret me kuotën 1.62. Monacoja për fitore ka kuotën 5.5, ndërsa barazimi është 4.33.