QUARTER'S FA CUP
Conte dhe Mou, me duel fjalësh para ndeshjes
13 March, 2017 @14:21
Sonte zhvillohet përballja e FA Cup ndërmjet Chelsea dhe Manchester United, ndërsa trajenerët e të dy skuadrave s’kanë lënë pa lëshuar ndonjë thumbim aty-këtu.
CONTE, trajner i Chelseat
“Në tetor ne fituam 4-0. Kam qenë i sigurt se po luaja ndaj një ekipi të madh. Kështu është edhe kësaj radhe. Të dyja ekipet e Manchesterit janë ndër më të mirat në ligë,” ka thënë Antonio Conte para ndeshjes së sotme.
Në anën tjetër, Jose Mourinho, i Manchester Unitedit ka bërë të ditur se ekipi i tij do të dalë i hendikepuar në ndeshje.
MOURINHO, trajner i Unitedit
“Ne nuk hymë në ndeshje me ekipin e Nicky Buttit (trajner i Man Utd U-23). Man Utd është ekip shumë i madh. Nuk është faji i Chelseat që ne duhet të luajmë të hënën, por ndërrime do të ketë në formacion gjithsesi,” ka thënë Mourinho, duke bërë të ditur se nuk do të jetë skuadra standarde e Djajve të Kuq para ndeshjes.
Chelsea dhe Manchester United sonte do të përcaktojnë gjysmëfinalistin e fundit të FA Cup. Deri tash gjysmëfinalen e kanë siguruar: Manchester City, Arsenal dhe Tottenham Hotspurs.
