Dallku mendon pensionimin nga kombëtarja

Mbrojtësi i kombëtares shqiptare, Armend Dallku, ka pranuar se mendon tërheqjen nga kombëtarja shqiptare pas përfundimit të eliminatoreve për Brazili 2014. 

Ai në një bisedë me të përditshmen Arenaa, ka thënë se mosha e tij prej 30 vjeçari dhe prurjet e reja e kanë shtyrë të mendojë që të pensionohet nga kombëtarja si dhe t’ua lë hapësirën të rinjëve. 

Mirëpo, ka vazhduar Dallku, nëse kombëtarja e kërkon dhe nuk dëshiron ndarjen nga ai, ai gjithmonë do të jetë i gatshëm për fanellën kuq-e-zi. Vushtrriasi Dallku që luan vite me radhë në ligën elite ukrainase me Vorskla Poltavan, ka zhvilluar 60 ndeshje me kombëtaren dhe ka shënuar një gol. Ai vesh fanellën kuqezi që nga viti 2005.