David Luiz me rekord negativ

Mbrojtësi i PSG-së, David Luiz, dje në ndeshjen kundër skuadrës angleze Manchester City, hyri në histori të Ligës Kampionëve.

Luiz, i cili u ndëshkua me karton të verdhë dje në sekondën e 12-të, u bë lojtari i cili ndëshkohët më i shpejti në histori të kësaj lige.

Këtë rekord deri tash e mbante ish lojtari i Besiktasit, Batuhan Karadeniz. Ai në ndeshjen kundër Manchester Unitedit, në vitin 2009, kishte hyrë në ndeshje si zëvendësues në minutën e 84-të dhe 14 sekonda më pas ishte ndëshkuar me karton të verdhë.

David Luiz, me këtë ndëshkim, nuk do të luaj në ndeshjen e kthimit, për shkak të suspendimit.