MEDIA
BOROZANI/Erdis Driza
De Biasi: Dua 3 pikë!
10 July, 2015 @9:21
Shqipëria dje arriti historinë në futbollin kombëtar. Kuqezinjtë për herë të parë që nga themelimi i tyre kanë arritur të ngriten në pozitën e 36-të të renditjes mujore të FIFA-së për kombëtare dhe për këtë, edhe vetë Gianni De Biasi, trajneri i kombëtares ka qenë i befasuar.
“Ky është rekord për kombëtaren, por për ne është vetëm një vlerësim numerik i punës së mirë që kemi bërë gjatë eliminatoreve,” ka thënë De Biasi, shkruan Panorama Sport sot.
“E prisja që do të ngjiteshim disa vende, por jo rekord. Fitorja ndaj Francës duket se ka pasur një efekt shumë të madh,” ka shtuar ndër të tjera përzgjedhësi italian.
Për më tepër, duke folur për Vendimin e CAS-it, që pritet të zbardhet sot, lidhur me ndeshjen e ndërprerë Serbi-Shqipëri, italiani 56 vjeç ka thënë shkurt: Pres drejtësi, dua tre pikë nga CAS.
REZULTATET, TABELAT DHE STATISTIKA NGA KUALIFIKIMET PËR EURO 2016
