MARCA
De Biasi shkruan libër për historinë me Shqipërinë
14 April, 2020 @19:07
Selektori historik i kombëtares shqiptare Gianni De Biasi në një bisedë me Marcan spanjolle ka bërë të ditur se është duke shkruar libër për suksesin e tij historik me kuqezinjtë.
Italiani 63 vjeç ka bërë të ditur se ka qenë në bisedime me një kombëtare të Evropës për të marrë drejtimin e saj, por shkaku i pandemisë gjithçka ka mbetur pezull.
Në ndërkohë, ai ka bërë të ditur se ka arritur në kapitullin e tretë të librit.
“Këto ditë po shkruaj historinë time futbollistike me Shqipërinë. Aktualisht ndodhem te kapitulli i tretë i këtij libri. Është diçka që po e bëj për të hedhur në letër një eksperiencë që kam të qartë në kokë”, – ka thënë De Biasi, i cili pjesë e Kombëtares së Shqipërisë ishte për 5 vite e gjysmë.
De Biasi pas Shqipërisë drejtoi për një kohë të shkurtër skuadrën e LaLigas Alaves, ndërsa më pas u përfol për disa kombëtare si trajner i mundshëm i tyre, por asnjëra s’u bë konkrete.