Debuton në Istog

Trajneri i ri i Ferronikelit, Afrim Tovërlani, do të debutojë në një garë zyrtare me Ferronikelin këtë fundjavë, kur të shtunën ekipi i tij udhëton në Istog. 

Tovërlani u emërua trajner i ekipit kampion të Kosovës me të përfunduar stinori vjeshtor. Ferronikeli është lider i Superligës, ndërsa Istogu është në vend të fundit të tabelës. 

TABELA AKTUALE E SUPERLIGËS

Mark Milicaj, Bujar Shabani, Burim Sadiku, Isa Eminhaziri, Ismet Cakaj dhe Ardian Limani janë përforcimet e ekipit kampion para ndeshjeve të pjesës pranverore të Superligës. 

Ndeshja Istogu - Ferronikeli hap xhiron e parë të pranverës dhe nis në ora 13e30 të shtunën në “Demush Mavraj” të Istogut. 

Tovërlani më parë ka drejtuar edhe ekipin e Trepçës’89 dhe Prishtinës.