Fantasy TopSporti
Të gjitha lajmet
Tabelat dhe Rezultatet

NDARJA E RADHËS

Diar Prokshi, largimi i radhës nga Feronikeli

Diar Prokshi, largimi i radhës nga Feronikeli


14 January, 2022 @14:23

Nuk kanë të ndalur largimet nga Feronikeli dhe si duket skuadra nga Drenasi po shkon drejt përshëndetjes nga Superliga këtë stinor!

Ish kampioni i Kosovës tashmë ka mbetur edhe pa futbollistin e deritashëm të skuadrës Diar Prokshi, që ka bërë të ditur për largimin e tij nga llogaria personale e Facebookut.

“Dëshira e madhe për të dhënë kontribut për KF Feronikelin nuk mjaftoi. Largohem i mërzitur nga gjendja që po kalon klubi me shpresë që të kthehet në majet e futbollit,” ka shkruar ndër të tjera ai.

Feronikeli është në krizë financiare qysh prej fillimit të sezonit 2021/22. Ekipi vështirë se do të mund të mbijetojë stinorin në Superligë, derisa një numër i madh i lojtarëve që u angazhuan këtë stinor me niklin veçse kanë bërë të ditur largimin nga skuadra.

Kujtojmë, Feronikeli është bërë tri herë kampion i Kosovës në dekadën e fundit, duke triumfuar në sezonet 2014/15, 2015/16 dhe 2018/19.


 
Të gjitha lajmet nga FFK Superliga