Dinamo e radhës për Fatosin

​Nga Dinamo tek Dinamo. Kështu duket të jetë aventura e Fatos Beqirajt. Reprezentuesi i Malit të Zi thuhet të jetë në negociata me skuadrën ruse të Dinamos nga Moska dhe marrëveshja e transferimit mund të finalizohet shumë shpejt. Kështu raporton gazeta malazeze Vijesti

Momentalisht Beqiraj paraqitet për Dinamon e Minskit, skuadër në të cilin ai u transferua në janar të vitit 2015. Në 23 paraqitje për skuadrën bjelloruse, Beqiraj ka shënuar 9 gola.

Vlen të përmendet fakti që nëse transferimi i tij kompletohet, kjo do të jetë “Dinamo” e tretë për Fatosin, pas asaj të Zagrebit dhe të Minskit.