Disa fillojnë, disa hezitojnë

Pjesa e madhe e ekipeve të Serie A ka filluar stërvitjet indviduale këto ditë, ndërsa Milan ende është duke pritur rezultatet e testeve për COVID-19.

Stërvitjet e plota, ekipore në Itali janë paraparë të bëhen prej datës 18 maj.

Rossonerët pritet që të hapin dyert e Milanellos nesër, ndërsa Zlatan Ibrahimovic dhe Franck Kessie janë ende jashtë Italisë dhe ata do t’i pret 14 ditëshi në karatinë para se të shkelin fushën stërvitore.

Atalanta, Bologna, Inter, Juventus, Lazio, Lecce, Sampdoria, Sassuolo dhe Udinese kanë nisur stërvitjet individuale, Roma nis nesër, Torino pasnesër e Parma nga e hëna e ardhshme.

Brescia, Fiorentina dhe Napoli kanë kryer vetëm testet e gjakut dhe ato themelore mjekësore.

Cagliari, Genoa, Verona dhe SPAL janë duke pritur ende për shkaqe sigurie, protokollin mjekësor dhe a do të vazhdojë qindpërqind stinori.