Distin i befason të gjithë, pensionohet nga kombëtarja!

Një deklaratë befasuese dhe po aq qesharake ka ardhur sot nga qendërmbrojtësi veteran i Evertonit, Sylvain Distin, i cili nëpërmjet rrjetit social, Twitter, ka njoftuar opinionin për pensionimin e tij nga përfaqësuesja e Francës.

“Jam pensionuar nga ekipi i Francës. Ishte një përvojë e jashtëzakonshme dhe pas një rekordi prej #0 paraqitjeve, është koha për të thënë lamtumirë dhe të fokusohem në klubin tim,” ka shkruar Distin.

Futbollisti 36 vjeçar, i cili që nga viti 2002 luan në skuadra të ndryshme të Premier Leagues, nuk ka qenë kurrë pjesë e përfaqësueses së Francës, ndërsa këtë tweet e bëri pasi përzgjedhësi françez, Didier Deschamps, e zbuloi listën e lojtarëve për Botëror.

I m retiring from France team. It was a wonderful experience and after a record of #0 cap it’s time to say goodbye and focus on my club