Dorëzohet Ilir Azemi

Ilir Azemi edhe në stinorin e ri do të jetë pjesë e skuadrës nga Bundesliga 2, Grethuer Furth.

Sulmuesi kosovar nuk ka mundur të realizoj transferimin e tij në ndonjë skuadër tjetër, pasi skuadra e tij dëshironte ta mbaj atë e me çdo kusht.

“Kam vendosur të qëndroj tek Furth. Nuk kisha asnjë zgjidhje tjetër për t’u larguar dhe në fund vendosa të qëndroj këtu ku ia kam filluar karrierës.Skuadrat që shprehën interesim për mua janë lodhur nga refuzimet që ia bënte Furth dhe janë tërhequr. Menaxheri im mbetet në kontakt me to, dhe do ta shikojmë në fund të stinorit se çfarë do të bëjmë. Gjithsesi tani do të mundohem të shënoj sa më shumë,” ka shkruar Azemi në faqen e tij zyrtare në Facebook.

Futbollisti 22 vjeçar kohëve të fundit ishte i pakënaqur me ekipin e tij, sa që kishte vendosur t’i bojkotojë edhe stërvitjet.

Azemi në stinorin e kaluar ishte bërë golashënuesi i tretë më i mirë në Bundesliga 2 me gjithsej 14 gola të shënuara.