WORLD CUP U-20 FEMRAT
FIFA
Dramë e vërtetë!
25 November, 2016 @9:07
Duel dramatik u zhvillua në mëngjesin e sotëm në kampionatin botëror të femrave U-20 në futboll.
Meksika favorite që pritej të fitonte dhe kishte epërsinë prej 1-0 të arritur me golin e Sanchezit në minutën e 60-të të ndeshjes, u mposht në fund me një ndërrim taktik të trajneres së SHBA-së, Michelle French.
Dhe fitorja erdhi kur dy zëvendësueset Watt (81’, shënon për barazim) dhe Hedge (90’ + 3, sjell fitoren) shënuan për fitoren dramatike në çastet e fundit për SHBA-të.
Me këtë fitore, SHBA U20 femrat kualifikohen në gjysmëfinale të Botërorit që po zhvillohet në Papua Guinenë e Re.
USA (W) U20 2-1 Mexico (W) U20 -All Goals… by GoalsGalore
Përballja e radhës për SHBA-të pritet të jetë edhe më interesante pasi që do të ndeshen me ‘armiqtë’ nga Korea Veriore. Ndeshjet e kësaj gare futbollstike mund t’i shihni çdo mëngjes në Eurosport.
