DRENICA - TREPÇA '89
Drenica largohet nga zona e rënies direkte duke e mposhtur ‘89-shin
3 April, 2021 @16:51
Drenica ka siguruar tri pikë shumë të rëndësishme drejt luftës për ekzistencë.
Ekipi nga Skenderaj e mposhti në “Bajram Aliu” skuadrën e Trepçës ‘89 me rezultat 2-0.
I riu 19 vjeçar Baton Zabërgja shënoi golin e epërsisë për Drenicën në minutën 37’, pasi u asistua nga Kreshnik Uka, ndërsa Donald Rapo e përcaktoi rezultatin përfundimtar në minutën 70’ të ndeshjes.
Drenica me këtë fitore ngjitet në pozitën e tetë që dërgon në Play Out, duke i ikur kështu zonës së rënies direkte nga Superliga.
