TRANSFER
Drenica mbyll afatin kalimtar me Qaqin
30 January, 2021 @13:22
Qendërmbrojtësi shqiptar, Harallamb Qaqi, është futbollisti më i ri i skuadrës së Drenicës.
27 vjeçari sot është prezentuar sot me fanellën e drenicakëve, të cilën do ta djerësit gjatë stinorit pranveror.
Qaqi së fundi ka qenë pjesë e Skënderbeut të Korçës, ndërsa më parë ka qenë pjesë e ekipeve si Alki Oroklini (Qipro), Kamza, Kukësi e Laci. Ai gjithashtu ka pasur karrierë edhe në Itali me skuadrat si Carpi dhe Hellas Verona, por që nuk ka arritur të depërtojë deri në ekipet A të tyre.
Në njoftimin e Drenicës, është bërë e ditur se Qaqi do të jetë përforcimi i fundit i këtij afati kalimtar.