KUPA E KOSOVËS
Drenica me lehtësi në çerekfinale
9 February, 2021 @15:10
Skuadra e Drenicës e mposhti me lehtësi Ulpianën me rezultat 4-0, dhe u kualifikua në çerekfinale të Kupës së Kosovës.
Drenica kaloi në epërsi në minutën e 14’ me Donald Rapo, derisa rezultatin e dyfishoi Baton Zabërgja në minutën e 44’.
Kreshnik Uka shënoi golin e tretë të Drenicës në minutën e 61’, kurse Zabërgja shënoi golin e dytë personal dhe të katërt të Drenicës në minutën e 86’.
Drenica u kualifikua në çerekfinale të Kupës së Kosovës.
