SKENDERAJ
Drenica thellon krizën e Prishtinës
8 October, 2014 @18:28
Prishtina tashmë nuk ka regjistruar fitore që nga xhiroja e dytë e Superligës, duke mos llogaritur fitoren në tavolinë ndaj Trepçës.
Ekipi i Bylbyl Sokolit është në krizë të rezultateve pasi që sot kanë pësuar edhe nga Drenica në Skenderaj me rezultat 2-0.
Kuqezinjtë e Tahir Lushtakut, që nuk kishin shijuar fitoren qe tre xhiro, kanë marrë trepikëshin e parë të tyre që prej fitores ndaj Dritës me golat e sulmuesit në formë, Kushtrim Lushtaku dhe Taulant Dajakut.
Drenicakët të dy golat i shënuan në pjesë të parë, derisa prishtinasit nuk ishin në gjendje të bëjnë diç më shumë për të tundur rrjetën e ekipit nga stadiumi Bajram Aliu i Skenderajit.
Drenica me fitore, del nga zona e rrezikshme e tabelës duke kaluar në vend të tetë, derisa Prishtina vazhdon me rënie (pozita e shtatë aktualisht).
REZULTATET, TABELA DHE NDESHJET E RADHËS
