Drilon Sadiku vendimtar, Dinamo eliminon Vushtrrinë nga Kupa

Ka mjaftuar një gol në përballjen e fundit të 1/16 së finales së Kupës së Kosovës në futboll, për të përcaktuar ekipin e fundit të kualifikuar për në të tetën e finales së Kupës.

Ka qenë Drilon Sadiku që me golin e tij ka bërë dallimin, duke i sjellë fitore Dinamos ndaj Vushtrrisë në përballjen ku pjesa e parë kishte përfunduar pa gola. Sadiku shënoi në minutën e 76. të ndeshjes për të siguruar fitoren e Dinamos së drejtuar nga Burim Qerkini dhe kështu ekipi ferizajas që po debuton këtë stinor në Ligë të Parë - Grupi A, siguron kalimin tutje në Kupë.