DRITA - TREPÇA '89
Drita e Munishit e ndal lideren
6 November, 2016 @14:45
Liderja e Superligës, Trepça ‘89, u nda me një pikë nga udhëtimi i vështirë në Gjilan në përballje me skuadrën e Dritës.
Ekipi i Ismet Munishit, Drita, arriti ta ndalë lideren me plot sukses, e cila para kësaj ndeshjeje kishte 10 fitore në 12 ndeshje.
Që të dy skuadrat kishin raste shënimi, sidomos në minutat e fundit të ndeshjes, por Oto John i Trepçës ‘89 dhe Gilberto Fortunato i Dritës nuk u treguan të saktë sa për ta ndryshuar rezultatin e takimit.
Edhe pas këtij barazimi, Trepça ‘89 vazhdon të kryesojë në radhitjen tabelare, por tani me vetëm dy pikë më shumë se ndjekësja më e afërt, Prishtina, kurse për Dritën kjo ishte pika e tretë nën drejtimin e Ismet Munishit.
