Dua duelin me Pogban

Berat Xhimshiti është dukur i lumtur sot kur ka dalë para gazetarëve si lojtar i Atalantas. 

Mbrojtësi që luan për Shqipërinë që nga 4 shtatori i vitit të kaluar është prezentuar zyrtarisht sot nga ekipi i tij, ndërsa ka thënë se mezi pret duelin me yllin e Juventusit, Paul Pogba. 

“Kur kam qenë i vogël më ka pëlqyer Zinedine Zidane, ndërsa tash Cristiano Ronaldo, pasi që arrin synimet e veta vetëm me punë. E ajo që po pres me padurim është përballja me Paul Pogban e Juventusit,” ka thënë ndër të tjera Xhimshiti sot, shkruan PanoramaSport.