Postieri nënshkruan me QPR-në

Tre vite më parë ka punuar si postier dhe ka luajtur për ekipin në ligën regjionale Newport County. 

Sot, ai është transferuar në ekipin e Queens Park Rangersit për 2.8 milionë funta dëmshpërblim nga Peterborough (liga e tretë) dhe ka thënë se ëndrra i është bërë realitet. 

Conor Washington tash 23 vjeç është sulmues dhe QPR me trajnerin Jimmy Floyd Hasselbaink kanë vepruar shpejtë për të siguruar ish postierin. 

“Mund të paramendoni se ku kam qenë. Në ora katër të mëngjesit në janarin e ftohtë, me biçikletë kam shpërndarë postën. Edhe pse nuk mund të ankohem për këtë gjë, sepse ka qenë punë interesante,” ka thënë Washington sot, transmetojnë mediat britanike. 

Washington premton se do të shënojë gola me ekipin e tij të ri, ndërsa edhe trajneri Hasselbaink ka pranuar se e ka përcjellë mirë lojtarin para se ta bëj transferimin e tij. 

Video

Golat e Washingtonit

Këtu mund të shihni pesë golat më të bukur të sulmuesit të ri të QPR-së, Conor Washington, i cili u bë 'hit' në ishull për shkak të profesionit të tij të mëparshëm.