“Dua të shënoj në finale”

Cristiano Ronaldo po ëndërron që nata e 24 majit, kur do të luhet finalja e Ligës së Kampionëve, të jetë një natë fantastike për të dhe ekipin e tij.

Skuadra e tij, Real Madrid, do të luaj në finale të Champions League kundër rivalit lokal, Atleticos.

Në prezentimin e telefonit të ri të Samsungut, Galaxy 11, portugezi është pyetur në lidhje me këtë finale.

“24 maji do të jetë një natë fantastike dhe unë shpresoj në fitore. Atletico është një ekip shumë i mirë dhe lider i tabelës. Është një skuadër shumë e fortë dhe do të jetë edhe ndeshja e fortë, por i jam i sigurtë që Real Madridi do të fitoj,” tha Ronaldo.

“Dua të shënoj në finale. Nëse unë nuk e arrij këtë, shpresoj që bashkëlojtarët e mi ta arrijnë, nuk është me rëndësi golashënuesi. Unë dua më shumë, më shumë, më shumë. Është një rekord fantastik, por unë dua ta fitojmë Ligën e Kampionëve, pasi kjo është gjëja më e rëndësishme,” shtoi CR7.

Cristiano Ronaldo me 16 gola të shënuara këtë stinor në Ligën e Kampionëve, është bërë futbollisti me më së shumti gola të shënuara në këtë kompeticion gjatë një stinori.