ILIR AZEMI
Azemi konfirmon mungesën e tij
9 May, 2014 @18:29
Mos grumbullimi i Ilir Azemit me përfaqësuesen e Kosovës për ndeshjet me Turqinë dhe Senegalin është konfirmuar edhe nga vetë futbollisti.
Nëpërmjet faqes së tij zyrtare në Facebook, Azemi ka treguar arsyet se përse nuk do të merr pjesë në grumbullimin e përfaqësueses kosovare.
“Të nderuar miqtë e mi
Për fatkeq më duhet të njoftoj që nuk do të marr pjesë në grumbullimin rradhës të kombëtares kosovare. Më duhet të bëj urgjent një operacion hundë për shkak të frymëmarrjes që akoma kam probleme. I uroj vëllezërve të mi shumë suksese dhe do më shihni shumë Shpejtë në fanellën e Kosovës inshallah,” ka shkruar Azemi.
Mungesën e Azemit më parë e kishte konfirmuar edhe përzgjedhësi Albert Bunjaki, ndërsa vendi i tij pritet të zëvendësohet nga sulmuesi 22 vjeçar, Dardan Rexhepi.
