Dueli që vendos kampionin vjeshtor

Me fillim nga ora 13 në “Shahin Haxhiislami” të Pejës, Ferronikeli pret Hajvalinë në ndeshjen e fundit të stinorit vjeshtor të Superligës. 

TABELA AKTUALE E SUPERLIGËS

Ferronikeli ka të suspenduar stadiumin e vetë “Rexhep Rexhepi” pas incidentit ndaj Gjilanit në ndeshjen e shkuar aty dhe për këtë takimi do të zhvillohet në Pejë, që llogaritet të ketë njërën ndër fushat më të mira në vend. 

Dueli në fjalë është derbi i kreut të tabelës ku takohen i pari (Ferronikeli) me të katërtin (Hajvalia). Ferronikeli do të shpallet kampion vjeshtor edhe me humbje me rezultat minimal në këtë ndeshje. Ndërsa për t’u bërë Hajvalia kampione vjeshtore i duhet fitore me minimum dy gola epërsi, në të gjitha rastet tjera drenicakët bëhen kampionë të vjeshtës. 

PORTAT E PAPREKURA

Në përballjen e shkuar të këtij stinori, në ndeshjen e zhvilluar në Kishnicë, Hajvalia nën drejtimin e Ismet Munishit kishte shënuar fitore ndaj djelmoshave kampionë të Gani Sejdiut me rezultat 3-2. 

RAPORTI I NDESHJES SË KALUAR

Te Ferronikeli, golashënues më i mirë deri tash është Mentor Zhdrella me 5 gola të shënuara (të gjitha këto nga ndërprerjet, 3 nga gjuajtjet e lira dhe 2 nga penalltia). Ndërsa te Hajvalia, besoni apo jo, mbrojtësi Liridon Leci është golashënues më i mirë me gjithashtu 5 gola të shënuara. 

Sa i përket mbrojtjes së ekipit, Hajvalia është dukshëm më mirë në tabelën e portave të paprekura sesa Ferronikeli. Hajvalia në 8 nga 16 ndeshje nuk ka pranuar gol, derisa Ferronikeli në vetëm 3 ndeshje nga 16, sa janë zhvilluar deri tani.

TOP GOLASHËNUESIT E SUPERLIGËS

Moti dhe terreni janë të përshtatshëm për lojë sot, siç parashikojnë meteorologët, prandaj pritet një duel i fortë dhe që i përngjan futbollit në Pejë.