VENDIMI I KOMISIONIT DISCIPLINOR
BOROZANI/D.S.
Suspendohet përjetë sulmuesi i Haxhimusës
1 December, 2015 @10:47
Elami Limani, ekonom i Ferronikelit është dënuar me përjashtim nga organizata e futbollit dhe i njejti nuk mund të kryejë asnjë funksion (detyrë) në klub lidhur me aktivitet nga ana e FFK-së, është dënimi i shqiptuar për njeriun që sulmoi futbollistin e Gjilanit, Betim Haxhimusa, dhe çoi në thyerje të dorës së lojtarit në fjalë.
Njoftimin e ka dhënë Federata e Futbollit të Kosovës (FFK) dje pas Vendimit të lëshuar nga Komisioni Disciplinor (KD) i FFK-së.
“Dënohet me përjashtim nga organizata e futbollit dhe i njejti nuk mund të kryejë asnjë funksion (detyrë) në klub lidhur me aktivitetet e organizuara nga FFK,” ka shkruar njoftimi i FFK-së.
Për më tepër, Ferronikeli është dënuar me 800 euro për lëshim sigurie në këtë ndeshje dhe një ndeshje jashtë “Rexhep Rexhepit” kurse Ilir Demaku, zyrtari për siguri i Ferronikelit, ka marrë Vërejtjen e Fundit!
