Duhet ta ndalim Bayernin

Kapiteni i Borussia Monchengladbachut, Granit Xhaka, ka folur para ndeshjes së radhës ku skuadra e tij do të përballet me liderin e Bundesligës, Bayern Munchenin.

“Ne e dijmë si duhet ta mposhtim Bayernin, si në shtëpi, ashtu edhe si mysafir,” ka thënë Xhaka për faqen zyrtare të Bundesligës.

“E dijmë se kjo është diçka mjaft e vështirë, por në futboll gjithçka është e mundshme,” ka shtuar ai.

Gladbach, në ndeshjen e parë të kampionatit që ishte zhvilluar në dhjetor, kishte shënuar fitore me rezultat 3-1 ndaj bavarezëve, ndërsa të njëjtën gjë synon ta arrijë edhe në ndeshjen e kthimit në Allianz Arena.

Tabela aktuale në Bundesligë

Ndeshja Bayern Munchen - Borussia Monchengladbach, do të zhvillohet të shtunën më 30 prill.