Duhet te jemi të bashkuar, më shumë se çdo herë

Humbja me rezultat të thellë ndaj Kroacisë, megjithëse i ka zhgënjyer futbollistët e përfaqësueses së Kosovës, nuk i ka dorëzuar ata.

Njëri prej futbollistëve të Kosovës, Valmir Sylejmani, mendon se duhet të gjithë të jenë të bashkuar, në mënyrë që një ditë të jemi krenarë me përfaqësuesen.

”Çdo shtet në fillim të karrierës së saj, ka humbur edhe më keq se ne. Prandaj, duhet të jemi të bashkuar më shumë se çdo herë. Të harrojmë humbjen, tani duhet të mëndojmë për Ukrainën. Një ditë do jeni krenarë për ne,” ka shkruar Sylejmani në Facebook.

Sylejmani është grumbulluar me përfaqësuesen e Kosovës duke e zëvendësuar Ardian Ismajlin e lënduar.