Papjekuri taktike e Kosovës

Në një analizë të botuar në Jutarnji.hr sot të shkruar nga Elvis Scoria që analizoi ndeshjen e Kroacisë ndaj Kosovës, ndër të tjera ai ka shkruar edhe për Kosovën.

“Kosovarët treguan papjekuri taktike, naivitet, limite të mëdha në fazën e mbrojtjes, por kjo nuk e zvogëlon rëndësinë e fitores sonë. Gjithashtu, do të shtoja se bëhet fjalë për një ekip të talentuar, por u duhet kohë për t’u stabilizuar,” ka shkruar analisti i Jutrarnjit sot.

Kroacia mposhti Kosovën 6-0 në duelin e zhvilluar mbrëmë në Shkodër. Scoria është ish-futbollist, ndërsa tash punon si trajner.