KLODIAN DURO
Duro: Na duhej fat dhe vendosmëri për të arritur deri tek goli
10 April, 2021 @18:37
Skuadra e Feronikelit sot pësoi humbje me rezultat 1-0 përballë Gjilanit.
Për trajnerin e Niklit, Klodian Duro, loja e treguar në fushë ishte e kënaqshme pavarësisht humbjes, por që për të arritur deri te goli mungoi fati dhe vendosmëria.
“Kemi treguar lojë të mirë në përgjithësi, duke përfshirë edhe pjesën e parë ku u vëmë në disavantazh në një moment që nuk duhej të pësonim atë gol. Por mendoj që u rikthyem shumë mirë në lojë përballë një Gjilani që është ndër ekipet më të forta në ligë. Që të shkonim deri tek goli sot, përveç gjithçkaje që bëmë në fushë na duhej pak edhe fat dhe vendosmëri, pavarësisht se Gjilani ka në portë një portier si Koliçi”, tha Duro për Art Sport.
