ATALANTA - INTER
Dyshja shqiptare në formë, ndalet seria e Interit
11 November, 2018 @14:31
Në ndeshjen e parë të ditës së sotme në Serie A, Atalanta ka shënuar fitore 4-1 në Bergamo ndaj Interit.
Humbja e pësuar sot është e para pas shtatë fitoreve radhazi në Serie A për skuadrën zikaltër, e cila sot u mposht nga një kundërshtar që plotësisht e meritoi fitoren.
Për 90 minuta në fushë për Atalantan ishin Etrit Berisha dhe Berat Gjimshiti, madje ky i fundit e shënoi golin e tretë të skuadrës së tij.
Pikët e fituara sot e ngrisin Atalantan në kuotën e 18 pikëve, kurse Interi mbetet i treti me 25 pikë
