E lëvdon Beckenbaueri

Franz Beckenbauer, legjenda e futbollit gjerman nuk flet shpesh. Mirëpo, kur ai thotë diçka, kjo dëgjohet në tërë botën e futbollit. 

Në triumfin madhështorë prej 6-1 të Bayernit ndaj Werderit, kosovari Xherdan Shaqiri, u zëvendësua në minutën e 72-të të ndeshjes, derisa ovacionet për atë nuk munguan. 

“Në fillim mendonim se ai ka mungesë stërvitjesh, por ai prej minute në minutë luajti mirë e më mirë dhe do të vijë dita kur ai nuk do të ulet për asnjë minutë në bankë,” ka shkruar Der Kaiser në kolumnen e tij në Bild Zeitung, duke folë për Shaqirin

Kjo nuk është hera e parë që Perandori, Beckenbauer, lëvdon Shaqirin. 

“Shaqiri duhet të luajë më shumë. Ai është tepër i mirë, gjithmonë sjellë freski në skuadër dhe është talent i madh,” kishte shkruar më parë Beckenbauer për kosovarin që verën e kaluar nënshkroi për gjigandin bavarez, Bayern Munchen.